Galletas de xenxibre e chía

Rebolos veganos de xenxibre e chía

Fariña de Escanda!!! Téñome que deter aquí!!. A Escanda que da vida a esta galleta, coma nas demáis que levan Escanda, é o TRITICCUM MONOCOCCUM. Diploide. É o primeiro trigo “domesticado”. Anterior o Dicoccum, a Espelta. É un gran natural. A cantidade de gluten é pequena e moi dixerible. É unha excelente fonte de nutrintes e vitalidade, poderiamos falar moi longo das suas virtudes que sen dúbida son moitas, pero por citar algo direi dos seus aportes en Triptófano e Fenilalanina, dous transmisores precursores de hormonas que interveñen directamente no noso estado de ánimo, humor, actividade mental, atención,…

Cando conseguimos a Escanda foi emocionante e cando a probamos tivemos a sensación de recoñecernos absolutamente, rescatando de inmediato algo que estaba ben gardado na memoria do noso sentir. A Escanda foi Alimento para a Saúde e volta selo por fin!

O Xenxibre, máis cualitativo que cuantitativo, sanador sempre e a Chía, tan bonita de ver e sentir que nutre tanto o noso sistema a moitos niveis, acompañan neste Rebolo que emociona.

Sonia Carbón

Galletas veganas de sarraceno

Rebolos veganos de sarraceno

Unha galleta deliciosa para o nutrimento invernal. O Outono e o Inverno traen o frío, o recollemento e precisamos calor interno, enerxía, coidar e gardar. O Alforfón (Trigo Sarraceno), que tiñamos esquecido e que é tan noso, trae consigo ese calor que nos atempera. Tamén unha pisca de Xenxibre!.

Tantas cualidades podemos resaltar do Aceite de Coco, do Aceite de Oliva, das Améndoas, da Avea, da Chía: antioxidantes, reguladoras, nutritivas, protectoras, de lindas cores e sabores infinitos docemente presentados para nutrir a nosa saúde, cun arrecendo a tempos pasados que hoxe voltan para lembrarnos o que hai que coidar!.

Sonia Carbón

 

Galletas veganas de avéa e chocolate

Galletas veganas de avéa e chocolate

Imaxina un 70% de Cacao, que foi calmadamente prantado, coidado, esperado, admirado, recolectado, pensado e elaborado con amoroso respeto en forma de petisco doce que anima o espírito e pon o corpo en marcha co lembrar verdadeiro do neno, da nena que somos.

A Avéa, cereal terapéutico, delicia suave, completo e equilibrado, fermosa de por sí.

Non quero esquecer contar as maravillas do meu ben querido Aceite de Coco, ademáis do seu delicioso sabor, arrecendo esquisito e coidador da nosa pel, é un gran amigo do noso sistema inmunitario co que conversa tranquilamente.

Sonia Carbón

Bombón vegano de abelás

Bombón vegano de abelás

O noso bombón vegano contén Abelás, froito seco de alto valor nutricional e fermoso. A Abelaira, a súa nai, ábore de familia meiga, fermosa tamén e de bo acompañar. Boa fonte de minerais como calcio, fósforo e magnesio, indispensables para un bo crecemento. Acompañadas dos dátiles, alimento completo que aporta nutrintes esenciais e con numerosos beneficios para a saúde, fortalecendo os ósos, protexe a saúde cardiovascular, fonte de enerxía, regulador do sistema nervioso. Fai máis de seis mil anos que se empezou a cultivar a plameira do dátil no sureste de Asia e o norte de África, onde se extendeu a outros países cálidos. Os caldeos chamaban o datileiro o Árbol da vida, xa que se alimentaban cos seus foitos e os seus brotes, tecían as súas fibras, queimaban as súas carabuñas para utilizalas de combustible e bebían a súa savia.

O bombón vegano de abelás está cheo de matices….por dentro e por fóra.

Descubres de maneira sutil acariñando o baño de chocolate o Sésamo, con infinidade de propiedades para a saúde. Xa un dito popular dicía “A esencia, en tarro pequeno se vende”!!, e  neste caso non podía ter mais razón: as sementes de Sésamo, pequenas e saborosas, son unha fonte de nutrintes de alto valor biolóxico.

Ou se prefires a caricia de coco, pois tamén, xa que ésta é unha froita con propiedades da vitamina E de importante acción antioxidante sobre a pel e ideal para cando un sinte debilidade.

Desfruta cada bocado e sinte todos os praceres!!

Galletas de avéa e arandos sen azucre

Galletas veganas de avéa e arandos sen azucre

Avéa, Améndoas,…e no medio unha cor. Un sorprendente…azul moi escuro?, moi morado quizáis?, non sabería dicir!, é a singular cor dos Arandos, con delicioso sabor doce cun punto ácido que trae o lembrar do Monte, por iso por aquí coñécense como uvas deste máxico lugar, Uvas do Monte!.

Cargados de antioxidantes, aportan nutrintes que reforzan o sistema inmune, cardíaco, dixestivo, nervoso,…

Os rebolos veganos de avéa e arandos  están endulzados con sirope de arroz. E avéa en copos, descubrindoos en cada mordisco, este cereal terapéutico en sí mesmo fai este rebolo moi dixestivo e delicioso. Este cereal é moi completo e equilibrado, poderíamos destacar que é rico en antioxidantes, alimenta as bacterias boas do intestino, regula os niveis de azucre, entre outros beneficios.

Así que os rebolos veganos de avéa e arandos é un agasallo para o corpo.

Sonia Carbón