Galletas de abelás e chips de chocolate

Galletas de abelás e chips de chocolate

Resalto a Escanda como Nutrimento da Saúde e dos Sentires. Deliciosamente presente no noso lembrar antigo e que recoñecemos inmediatamente. É un placer!.

Escoitade: Manteiga!. Xa só escoitar o nome trae tantas cousas, vibra na frecuencia da emoción mantida por sempre: as Avoas, as Tradicións, as Celebracións,… . Algo pasa e non podemos evitar Suspirar profundo, pechar os ollos e …

As Abelás, froito seco de alto valor nutricional e fermoso. A Abelaira, a sua nai, ábore de familia meiga, fermosa tamén e de bo acompañar.

Sonia Carbón

 

Galletas de xenxibre e chía

Rebolos veganos de xenxibre e chía

Fariña de Escanda!!! Téñome que deter aquí!!. A Escanda que da vida a esta galleta, coma nas demáis que levan Escanda, é o TRITICCUM MONOCOCCUM. Diploide. É o primeiro trigo “domesticado”. Anterior o Dicoccum, a Espelta. É un gran natural. A cantidade de gluten é pequena e moi dixerible. É unha excelente fonte de nutrintes e vitalidade, poderiamos falar moi longo das suas virtudes que sen dúbida son moitas, pero por citar algo direi dos seus aportes en Triptófano e Fenilalanina, dous transmisores precursores de hormonas que interveñen directamente no noso estado de ánimo, humor, actividade mental, atención,…

Cando conseguimos a Escanda foi emocionante e cando a probamos tivemos a sensación de recoñecernos absolutamente, rescatando de inmediato algo que estaba ben gardado na memoria do noso sentir. A Escanda foi Alimento para a Saúde e volta selo por fin!

O Xenxibre, máis cualitativo que cuantitativo, sanador sempre e a Chía, tan bonita de ver e sentir que nutre tanto o noso sistema a moitos niveis, acompañan neste Rebolo que emociona.

Sonia Carbón

Galletas veganas de sarraceno

Rebolos veganos de sarraceno

Unha galleta deliciosa para o nutrimento invernal. O Outono e o Inverno traen o frío, o recollemento e precisamos calor interno, enerxía, coidar e gardar. O Alforfón (Trigo Sarraceno), que tiñamos esquecido e que é tan noso, trae consigo ese calor que nos atempera. Tamén unha pisca de Xenxibre!.

Tantas cualidades podemos resaltar do Aceite de Coco, do Aceite de Oliva, das Améndoas, da Avea, da Chía: antioxidantes, reguladoras, nutritivas, protectoras, de lindas cores e sabores infinitos docemente presentados para nutrir a nosa saúde, cun arrecendo a tempos pasados que hoxe voltan para lembrarnos o que hai que coidar!.

Sonia Carbón

 

Galletas veganas de avéa e chocolate

Galletas veganas de avéa e chocolate

Imaxina un 70% de Cacao, que foi calmadamente prantado, coidado, esperado, admirado, recolectado, pensado e elaborado con amoroso respeto en forma de petisco doce que anima o espírito e pon o corpo en marcha co lembrar verdadeiro do neno, da nena que somos.

A Avéa, cereal terapéutico, delicia suave, completo e equilibrado, fermosa de por sí.

Non quero esquecer contar as maravillas do meu ben querido Aceite de Coco, ademáis do seu delicioso sabor, arrecendo esquisito e coidador da nosa pel, é un gran amigo do noso sistema inmunitario co que conversa tranquilamente.

Sonia Carbón

Galletas de cacao e amaranto

Galletas de cacao e Amaranto

Os Rebolos de cacao e Amaranto….Compañeiro, irmán dos Rebolos de Abelás. Comparte loubanzas!! Saúde co que nos trae para o corpo,as emocións e o sentir: Escanda, Manteiga, Ovo, Cacao, Amaranto,…

Vou contar do Amaranto, que xa de por sí ten un bonito nome, sonoro, Amaranto!!!,

Amar tanto!!!. Gran aporte proteico con altísimo valor biolóxico xa que porta todos os aminoácidos esenciais nunha proporción óptima para ser asimilados, entre outras moitas virtudes que acompañan a este antiquísimo cultivo que formou parte de Cerimonias Sagradas hai tanto!!!

Os Rebolos de cacao e Amaranto suxiren matices e evocan recordos infantís.

Sonia Carbón

Galletas de sabugueiro

rebolos de sabugueiro

Nas galletas de sabugueiro está presente a Fariña de Escanda!!! . A Escanda que da vida a esta galleta, coma nas demáis que levan Escanda, é o TRITICCUM MONOCOCCUM. Diploide. É o primeiro trigo “domesticado”. Anterior o Dicoccum, a Espelta. É un gran natural. A cantidade de gluten é pequena e moi dixerible. É unha excelente fonte de nutrintes e vitalidade, poderiamos falar moi longo das suas virtudes que sen dúbida son moitas, pero por citar algo direi dos seus aportes en Triptófano e Fenilalanina, dous transmisores precursores de hormonas que interveñen directamente no noso estado de ánimo, humor, actividade mental, atención,…

Xa o relatou no século XII nos seus escritos de medicina e saúde a abadesa benedictina alemana Santa Hildegard Von Bingen.

Cando conseguimos a Escanda foi emocionante e cando a probamos tivemos a sensación de recoñecernos absolutamente, rescatando de inmediato algo que estaba ben gardado na memoria do noso sentir. A Escanda foi Alimento para a Saúde e volta selo por fin!

E nas nosas galletas o licor de SABUGUEIRO, pranta tan presente na cultura de Galicia. Arbusto moi apreciado polos seus usos medicinais, debido a presenza de taninos, fósforo, flavonoides e vitamina C e B. O Sabugueiro é ideal para tratar os problemas respiratorios: favorece a sudoración, facilita a expulsión da mucosidade, contribúe a reducir a inflamación das vías respiratorias , a baixar a febre, e especialmente a calmar a tose. E axuda a eliminar toxinas polas súas propiedades diuréticas e depurativas.

E un toque de canela!!, onde o seu uso medicinal se remonta a miles de anos atrás.

Galletas de avéa e arandos sen azucre

Galletas veganas de avéa e arandos sen azucre

Avéa, Améndoas,…e no medio unha cor. Un sorprendente…azul moi escuro?, moi morado quizáis?, non sabería dicir!, é a singular cor dos Arandos, con delicioso sabor doce cun punto ácido que trae o lembrar do Monte, por iso por aquí coñécense como uvas deste máxico lugar, Uvas do Monte!.

Cargados de antioxidantes, aportan nutrintes que reforzan o sistema inmune, cardíaco, dixestivo, nervoso,…

Os rebolos veganos de avéa e arandos  están endulzados con sirope de arroz. E avéa en copos, descubrindoos en cada mordisco, este cereal terapéutico en sí mesmo fai este rebolo moi dixestivo e delicioso. Este cereal é moi completo e equilibrado, poderíamos destacar que é rico en antioxidantes, alimenta as bacterias boas do intestino, regula os niveis de azucre, entre outros beneficios.

Así que os rebolos veganos de avéa e arandos é un agasallo para o corpo.

Sonia Carbón